Am waiting...

 Episode 1

കുറച്ച് പുറകിലേക്ക് പോകാം..
കൊല്ല വർഷം 2013.

അമ്മു പ്ലസ് ടു കഴിഞ്ഞു. കോളേജ് ിൽ BSc Zoology അഡ്മിഷൻ എടുത്തു... ക്ലാസ് തുടങ്ങി.. ഒട്ടും പരിചയം ഇല്ലാത്ത അന്തരീക്ഷമാണ്.. പുതിയ ഫ്രണ്ട്സ്, പുതിയ ടീച്ചേഴ്സ്, ... എല്ലാത്തിലും പുതുമ... കോളജിൽ സീറ്റ് കിട്ടിയത് കൊണ്ട് വീട്ടുകാര് ഹാപ്പി... പക്ഷെ... അമ്മു ഹാപ്പി ആയിരുന്നില്ല... അവൾക് ഒന്നിലും സന്തോഷം കാണാൻ കഴിഞ്ഞില്ല.....

വീട്ടിൽ ആണേൽ കടക്കാര് കേറി ഇറങ്ങുകയാണ്... മനസമാധാനം ഇല്ല.'..ഇനിയും പഠിക്കാൻ ക്യാഷ് നല്ല ചിലവാകും.. വീട്ടിലെ അവസ്ഥ അവളുടെ മനസ്സിനെ കീറിമുറിക്കുകയാണ്....  ഓട്ടോ ഡ്രൈവറായ അച്ഛനെ ഇനിയും ബുദ്ധിമുട്ടിക്കാൻ അവൾക്ക് മനസ്സ് വരുന്നില്ല.... പഠനം നിർത്തി ജോലിക്ക് പോയാലോ- അവളുടെ മനസ്സ് ആകെ പാടെ ഒരു തീക്കനലായി തുടങ്ങി...

ഒന്നാം വർഷം അത്യാവശ്യം നല്ല രീതിയിൽ തന്നെ പഠിക്കാൻ ഉണ്ടായിരുന്നു... ലാബ് വർക്ക് കൂടി ആയപ്പോൾ സുഭാഷ്.... ഇതൊക്കെ വച്ച് നോക്കുമ്പോൾ പത്താം ക്ലാസ് വളരെ എളുപ്പമായി അവൾക്ക് തോന്നി....പെട്ടെന്ന് തന്നെ fist year കടന്ന് പോയി...(To be continued...)

Episode-2 

ഓരോ ദിവസവും ക്ലാസ്, Lab ആയിട്ട് പോ

വുകയാണ്... കോളേജിൽ വന്നിട്ട് ഏകദേശം ഒരു വർഷം ആവാറാകുന്നു..

മെയിൻ സ്റ്റോപ്പിൽ നിന്ന് കുറച്ച് ഉള്ളിലേക്ക് നടന്നാൽ കോളേജിൽ എത്താം. ആ വഴിക്ക് ഒന്നോ രണ്ടോ ബസ്സ് മാത്രം ഉള്ളൂ.. കോളേജ് അത്യാവശ്യം വിപുലീകരിക്കപ്പെട്ടിട്ടുണ്ടേലും ആ വഴിക്ക്ള്ള ഉള്ള ഗതാഗതം ശോകമാണ്..

പതിവുപോലെ ഉച്ചക്ക് ശേഷമുള്ള ലാബ് കഴിഞ്ഞ് വീട്ടിലേക്ക് മടങ്ങുമ്പോൾ ആണ് ആ സംഭവം നടന്നത്......

റോഡിൻ്റെ ഒരു വശത്ത് കൂടി അമ്മു റെക്കോർഡ് ഫൈൽ പിടിച്ച് നടക്കാർന്നു... അസ്തമയ സൂര്യൻ്റെ രശ്മികൾ റോഡിൽ അവളുടെ നിഴലും ഉണ്ടാക്കിയിട്ടുണ്ട്..അത് നോക്കി നടക്കവേ പെട്ടെന്ന് നിഴലിൽ ആളുകളുടെ എണ്ണം കൂടിയാതയായി അവൾ കണ്ടു.."ഇപ്പോൾ തൻ്റെ നിഴൽ മാത്രമല്ല- തനിക്ക് പുറകിലായി ഉയരമുള്ള വേറെ കുറെ രൂപങ്ങളും കാണാം"- അവൾ മനസ്സിൽ പറഞ്ഞു. ആദ്യം അവൾ ഒന്ന് ഭയന്നു, പിന്നെ രണ്ടും കൽപിച്ച് തിരിഞ്ഞു നോക്കി.

ഏകദേശം ഒരു എട്ട് പേർ കാണും.. കോളേജിൽ ഉള്ള പയ്യന്മാർ ആണ്. അവൾ ആരെയും ഇത് വരെ കണ്ടിട്ടില്ല...അവൾക്ക് ഒരു പരിചയവും ഇല്ല, പക്ഷെ അവളെ നല്ലവണ്ണം അറിയാവുന്ന പോലെ ആയിരുന്നു അവരുടെ ഭാവം. എന്ത് കൊണ്ട് ആണെന്ന് അറിയില്ല അവരെല്ലാം അമ്മുവിനെ നോക്കി പുഞ്ചിരിക്കുന്നുണ്ടായിരുന്നു..

സംഭവം എന്താ നടക്കണതെന്ന് മനസ്സിലാക്കാത്തോണ്ട് അവൾ അവരോട് ചോദിച്ചു"എന്താ, ആരാ നിങ്ങൾ ഒക്കെ? എന്തിനാ എൻ്റെ പിന്നാലെ വരുന്നേ?"

കൂട്ടത്തിൽ ഉണ്ടാർന്ന എലുമ്പൻ ചാടി കേറി ചോദിച്ചു-" അമ്മു എന്നല്ലേ  പേര് ?"

അവൾ പറഞ്ഞു" അതെ, എന്താ കാര്യം? "

എലുമ്പൻ ഒരുത്തനെ മുന്നിൽ നിർത്തിട്ട് പറഞ്ഞു -"ഇവൻ്റെ പേര് പപ്പു, ഇവന് തന്നോട് ഒരു കാര്യം പറയാൻ ഉണ്ട്"

അമ്മുവിന് ദേഷ്യം വന്നു. കോളേജിൽ വന്നപ്പോൾ തൊട്ട് അവൾ കേക്കണതാ ഇങ്ങനെ ഓരോ ഡയലോഗ്. പലരും   പിന്നാലെ വന്നിരുന്നു...ഇപ്പോൾ താ പുതിയ ഒരുത്തൻ-ദേഷ്യം വന്ന അവൾ അവരോട് പറഞ്ഞു

" ചെരുപ്പ് ഊരും ഞാൻ"....(To be continued...)